IKASTETXEKO INFORMAZIOA (DIPTIKOA)                                           MATRIKULA EGITEKO ARGIBIDEAK

Joan zen urtarrilaren 24an, Batxilergoko 1. eta 2. mailako ikasle guztiok “La casa de Bernarda Alba” antzezlana ikusi genuen, Campos Elíseos antzokian. Federico García Lorcak sortutako pertsonaiak eta sinboloak oso interesgarriak iruditu zitzaizkigun. 

Urtarrilaren 10ean eta 12an 2. DBHko ikasleok Bilbon Arkeologi Museoa bisitatu genuen. Bertan, Bizkaiko material arkeologikoa eta aztarnak erregistratzeko prozedurak ikusteko aukera izan genuen: indusketa, bilketa, garbiketa, siglaketa eta kontserbazioa . Zalantzarik gabe, bisita gomendagarria. 

Pasa den asteazkenean, urtarrilaren 18an, Solokoetxeko irakasle eta ikasle batzuek topaketa filosofiko batean elkartu ginen Joseba Sarrionandia euskal idazle mirestuarekin. "Atzerria" gaia ardatz hartuta, gustura entzun genituen berak kontatutako bizipenak eta pasadizoak. Benetan ahaztezina eta atsegina berarekin egon izana! 

Pasa den urtarrilaren 13an eta 16an DBH 2ko ikasleok Sollanoko araztegira joan ginen. Bertan, Ordunte urtegiko urak, gure etxera heldu baino lehen, jarraitzen duen garbiketa prozesua (dekantazioa, iragazketa...) ikusteaz gain, ur dastaketa goxoa egin genuen. Bisita oso interengarria izan zen. 

Joan zen urtarrilaren 17an Batxilergoko 1. eta 2. mailako Teknologiako ikasleok, Zorrozaurreko Cisidel enpresara bisita egin genuen. Bertan, hainbat makina (zerrak eta fresak, adibidez) erabiliz, nola soldatu eta zorrozten dituzten ikasi genuen. Horrez gain, langileek beraien lana eta egin zituzten ikasketak azaldu zizkiguten, beraz, asko ikasi genuen 

Pasa den urtarrilaren 16an Bio-Geoko 4. DBHko ikasleok Urdaibaiko Ekoetxera  joan ginen. Eguraldi txarra egin arren, han ekosistemei buruzko gauza asko ikasi genituen. Izan ere, hemengo eta kanpoko landaredia ez ezik, hegaztiren bat ere ikusi genuen arrantzan... 

Aurten, 1. Batxilergoko Latineko ikasleak Santo Tomasera jaitsi ziren. Klasean erromatarren elikadura ikasi genuenez, aprobetxatu genuen gure baserritarren elikaduraz konparatzeko eta giroaz disfrutatzeko. 

Azken egun hauetan Guggenheimera hurbildu ginen 25. urteurrena ospatzera. Irteera hori interesgarria izan zen eta gainera dohainik. Egin baino lehen, audio batzuk jaitsi genituen ingelesez,Serraren laberintoei buruzko informazio gehiago izateko. Gero, Bilbora etorritako atzerritarrei elkarrizketak egin genizkien eta haiek oso pozik erantzun ziguten.

Mila esker 3. DBHko ikasleei hain motibaturik egoteagatik eta ingelesa egoera erreal batean erabiltzeagatik!.Zoragarriak zarete!

Thanks a lot my beautiful students!! You are awesome!! .

ARGAZKIAK: DBH-3A , DBH-3B, DBH-3C

Batxilergoko 1. mailako Literatura Unibertsaleko ikasleok egun interesgarria bezain probetxugarria pasa dugu Bilbon, jainkoei begira: Merkurio, Minerva, Baco, Zeres, Melpomene jainko-jainkosei, besteak beste..

ARGAZKI gehiago: 1, 2, 3, 4, 5

Pasa den hilean, urriaren 19an, 1. Batxilergoko zientzia taldeko ikasleok Deustuko Unibertistateko liburutegian STEAM Sareko orientazio jardunaldietan parte hartzeko aukera izan genuen, Bizkaiko beste hiru institutu eta hainbat profesionalekin batera, . Bertan, profesionalek beraien esperientzia guri azaltzeko aukera izan zuten, eta guk beraiei zalantzak galdetu genizkien. Ondoren, Deustuko Unibertsitateko Ingeniaritza Fakultatea erakutsi ziguten, eta lau ikerketa arlo aztertzeko aukera izan genuen: errealitate birtuala, lanpostu automatizatuak, beso robotikoak eta 3D inprimaketa gunea. Hemen dituzue argazkiak, ze ondo pasa genuen ikus dezazuen!.

ARGAZKI gehiago: 1, 2, 3, 4, 5

Pasa den irailaren 16an. Euskalduna Jauregian Batxilerreko 2.Ako ikasleek parte hartu zuten Naukas Dibulgazio Jardunaldietan. Ekitaldi hartan, hamar minutuko hitzaldien bidez, Nazio Batuen Agenda 2030eko Garapen Jasangarrirako Helburuak lortzeko, izaera zientifikoa duten hainbat ekimenen aurkeztu ziren eta, era berean, helburuak betetzearen garrantzia azpimarratu zen. Unibertsitatetako zein institutuetako ikasle asko bildu ziren bertan. Entretenigarria izan zen, benetan, eta guztiz gomendagarria!

Familia agurgarriak:

Ohar honen bidez, ikasturteko hasierako DBHko bileraren data jakinarazi nahi dizuegu:

EGUNA: URRIAK 6, OSTEGUNA.

ORDUA: 18:00etan.

Irailak 8, aurkezpen eguna  ikasleentzako. Sarrerak egokitzeko hurrengo antolaketa egin dugu.

         1.BATXI          10:00etan SARRERA NAGUSITIK  sartuko dira.

         2.BATXI          10:00etan SARRERA NAGUSITIK  sartuko dira.

         DBH 4.maila 10:15etan PATIOTIK sartuko dira.

         DBH 3.maila 10:30etan PATIOTIK sartuko dira.

         DBH 2.maila 10:45etan PATIOTIK sartuko dira.

         DBH 1.maila 11:00etan SARRERA NAGUSITIK sartuko dira.